NITAFURAHI NA KUKUSHANGILIA WEWE. NITALIIMBIA JINA LAKO WEWE ULIYE JUU.
Wateule wa Mungu ni wale walioitwa na Mungu kutoka kwa uovu, wakivaa utu mpya na kumkiri Yesu Kristo kuwa Bwana na Mwokozi. Wao ni watu waliotengwa kwa ajili ya wokovu na maisha ya utakatifu. Hali kadhalika, uzao mteule ni wa wale wanaoamini Yesu Kristo kama Bwana, wakirithi ahadi za Ibrahimu. Mungu anatuahidi ulinzi na maisha marefu kwa wateule wake, tukifuata mapenzi yake na kumtii kwa moyo wote. Kwa maombi na utii wa Mungu, tunaweza kumiliki mlango wa adui, kuufunga na kuwa na ulinzi wa Mungu dhidi ya maovu.
Mungu ametukufu kwa kutuokoa kutoka kwa watu wasio haki na wabaya, ambao hulenga kutuchukia na kutufedhehesha kwa chuki na dhihaka. Ingawa watu hawa hujaribu kutuharibia imani yetu, neno la Mungu linatufundisha kuepuka chuki, hasira, na dhihaka, na badala yake kuishi kwa huruma, kusamehe na kutenda mema kwa wote, hata kwa wale wanaotuchukia. Mwezi huu, tukiwa na imani katika Yesu Kristo, tunaahidiwa ulinzi wa Mungu, amani na baraka ambazo hazizuiliki na wala hazitaharibiwa na chuki za watu. Mungu atatuinua, atatufunika na atatushindiashinda, kwa nguvu ya jina la Yesu Kristo.
Bwana wetu Yesu Kristo asifiwe! Unajua malimbuko ni nini? Ni sadaka ya kwanza, ile ya mwanzo kabisa—kama mazao, kizazi cha kwanza, au hata baraka zetu. Yesu Kristo ndiye limbuko letu, mzaliwa wa kwanza wa viumbe vyote, aliyechaguliwa na Mungu kuwa sadaka ya kutukomboa dhambini (Wakolosai 1:15). Kupitia kifo na ufufuo wake, ametupa tumaini la uzima wa milele, maana Yeye ndiye limbuko lao waliolala (I Wakorintho 15:20). Katika upendo wa Agape, Mungu alimtoa Mwanawe wa pekee, ili sisi tusipotee bali tupate uzima wa milele. Lakini, je, unajua maana ya sadaka ya mzaliwa wa kwanza kwa wanadamu na wanyama? Endelea nasi kujifunza zaidi!
Katika Biblia, mzaliwa wa kwanza—iwe ni mtoto, mnyama, au mazao—anapewa nafasi ya pekee na anatakiwa kutolewa kama sadaka kwa BWANA kwa heshima na upendo (Kutoka 22:29). Mungu amewatenga wazaliwa wa kwanza kwa ajili yake, akiwapa baraka, mamlaka, na uongozi wa familia, kama ilivyoonekana katika baraka za Yakobo kwa mwanawe Reubeni na hata katika simulizi la Esau na Yakobo (Mwanzo 25:29-34). Wazaliwa wa kwanza kiroho pia ni wale waliompokea Yesu Kristo, wakazaliwa upya kiimani na kufanywa malimbuko kwa Mungu (Waebrania 12:23). Wakristo wa leo wanapaswa kumtolea Mungu wazaliwa wao wa kwanza, si kwa sheria bali kwa hiari, wakitambua kuwa hatua hii inampendeza BWANA na huleta baraka tele kwa familia. Jina la BWANA lihimidiwe!
Katika safari ya imani, tunaokutana na watu wasio haki, wenye chuki, hasira, na dharau wanaojaribu kutuvunja moyo kwa maneno na matendo yao mabaya. Hata hivyo, neno la Mungu latufundisha kutokushirikiana na wasio haki (Zaburi 1:1) na kupinga roho ya chuki kwa kuwapenda na kuwaombea adui zetu (Luka 6:27). Hasira ya mwanadamu haitendi haki ya Mungu (Zaburi 37:8), na tunapaswa kuwa na huruma na msamaha kama Bwana wetu Yesu Kristo. Wakati mwingine, tutadhihakiwa na kudharauliwa kama Yesu alivyoishiwa msalabani, lakini Mungu hutuinua kutoka udhaifu hadi nguvu (1 Wakorintho 15:43). Tumaini letu liko kwa Mungu, ambaye ni ngome yetu, atakayotukinga dhidi ya mitego ya waovu na kutupa ushindi kwa damu ya Mwanakondoo na neno la ushuhuda wetu. Neema ya Bwana Yesu Kristo itatuwezesha kushinda na kuwa mashuhuda wa upendo na nguvu za Mungu, Amina!
Nipe Ulimi Mpya ni ombi kwa Yesu Kristo la kupata ulimi mpya unaotumika kwa baraka badala ya laana. Ulimi una nguvu ya kuleta uzima au mauti (Mithali 18:21), hivyo unapaswa kutumiwa kwa hekima. Yakobo 3:8-9 inaeleza jinsi ulimi usiodhibitiwa unaweza kuwa chanzo cha uharibifu. Waumini wanahimizwa kujiepusha na kunena mabaya kwao wenyewe na kwa wengine, kuepuka maneno ya hasira, mzaha, na udanganyifu, kwa sababu maneno haya yanaweza kuleta madhara kwa mtu binafsi na jamii. Badala yake, ulimi unapaswa kutumiwa kwa baraka, kufundisha Neno la Mungu, kuomba, kushukuru, na kuabudu. Maombi ya toba yanahimizwa ili mtu apate msamaha na neema ya kutumia ulimi wake kwa utukufu wa Mungu, kusifu, na kuwa baraka kwa wengine.
Katika maisha ya mwanadamu, yapo matatizo yanayotokana na makosa yake binafsi, lakini pia yapo yanayoibuka kutokana na dhambi na uovu wa kizazi kilichomtangulia. Makala hii inachambua kwa kina jinsi ambavyo madhara ya kiroho na kimwili yanaweza kumfikia mtoto au kizazi kizima kutokana na matendo maovu ya wazazi, mababu na hata ukoo mzima, ikiwa hawakutubu na kuachana na uovu wao. Kwa kutumia maandiko matakatifu, tuta angalia japokuwa Mungu ni mwenye haki na rehema, yeye pia ni mwenye wivu na huchukizwa na uasi wa kizazi kwa kizazi. Hata hivyo, matumaini hayajapotea kwa toba ya kweli, maombi ya rehema, na kwa kutumia damu ya Yesu Kristo, mwanadamu anaweza kuvunjilia mbali laana, kurejesha uhusiano wake na Mungu, na kuishi maisha ya ushindi na baraka. Hii ni wito wa kutafakari mizizi ya matatizo yetu, kutubu kwa bidii, na kumfuata Kristo kwa moyo wote ili tuweze kuikwepa hasira ya Mungu na kuurithi uzima wa milele.
Katika kila kizazi, wanadamu wameendelea kumtafuta na kumshangaa Mungu kwa ukuu, wema, na matendo yake ya ajabu yasiyo na kifani. Somo hili linaangazia sifa kuu za Mungu wetu, tukianzia na uumbaji wake wa mbingu na nchi, umoja wake kama Mungu wa pekee, hadi uweza wake usiopimika na utakatifu wake usio na doa. Mungu ni Alfa na Omega, aliyejaa neema, mwingi wa rehema, na mwenye upendo wa kipekee kwa viumbe vyake. Yeye ni Roho anayestahili kuabudiwa katika roho na kweli, na utukufu wake umejaa duniani kote. Kwa njia ya maandiko, tunaalikwa kumjua Mungu zaidi, kumpenda kwa moyo wote, na kumwabudu kwa unyenyekevu, tukitambua kuwa yeye ni wa milele na anastahili sifa, enzi na utukufu milele.
Same, Kilimanjaro
+255765837485
Monday-Friday (9:00 AM - 5:00 PM)
Saturday and Sunday: Off